綠置居賣剩200呎單位 阿媽為仔寧瞓廳照買

2017年02月17日 10:36
東網電視
更多新聞短片
綠表置居先導計劃項目「景泰苑」揀樓接近尾聲。(馮淑環攝)

綠表置居先導計劃項目「景泰苑」揀樓接近尾聲,只剩餘實用面積不足200呎的單位,房委會今安排41位申請人到樂富房委會客務中心揀樓。有母親為了讓兒子做業主,與兒子合資,即使只有細單位,要瞓廳都在所不惜,但亦有計劃結婚的情侶直言對賣剩蔗「揀唔落手」,指單身人士日後都會組織家庭,認為綠置居無法解決年輕人住屋問題。

70歲的鄭女士現時居於彩虹一個單人公屋單位,因單人公屋不能與兒子同住,故計劃「一炮過」與兒子合資購置綠置居。雖然單位較細,但她直言「無大惟有揀細 ,我為個仔㗎咋」,即使瞓廳亦不介意,「間到一房就我瞓廳囉,留返個房畀佢,今期都超額18倍,再等都唔知抽唔抽到,今朝有酒今朝醉」。她又指綠置居以6折定價較抵買,兒子負擔亦較輕。

黎先生以110萬港元購置5樓低層單位,他表示原本安排昨天揀樓,但因未能出席延至今天揀樓,「本來可以揀廿幾樓,但係都無辦法,抽中都算好彩架喇」。他現時居於天水圍200多呎的一人公屋單位,成為業主後單位縮水近100呎,但他不介意,「始終都係自己物業,又負擔到」。

王先生陪同女朋友同場揀樓,原本計劃置業作日後結婚之用,但最終「揀唔落手」,女朋友大感失望,「原本用嚟設計做公屋,根本唔應該搵嚟做綠置居試點,一個人住就啱,設單身配額但係要買賣剩蔗,其實單身日後都會組織家庭,解決唔到年輕人住屋問題,不如唔好搞」。

房屋署表示,今日有41位申請者,獲邀到樂富房委會客務中心選綠置居項目景泰苑的單位,出席的有16位,共有10個單位被選購。截至今日,綠置居已有848個單位已被選購。下星期一會有40位申請者獲邀選購單位。